Beituskúrinn

Á 19. öld keyptu Íslendingar mörg hús sem voru smíðuð í einingum í Noregi. Beituskúrinn er eitt þeirra. Hann kom til Austfjarða á tíunda áratug 19. aldar og var fyrst notaður sem húsnæði fyrir eina af hvalveiðistöðvunum. Þegar stöðinni var lokað var húsið tekið niður, því pakkað saman og það flutt sjóleiðis til Neskaupstaðar. Þar hófst nýr kafli á einni af bryggjum bæjarins. Næstu 40 árin hýsti húsið fjóra sjómenn yfir sumarvertíðina, ásamt tunnum af söltuðum þorski (bacalao). Heimili með fiskilykt, svo sannarlega.

Undir lok fjórða áratugar 20. aldar fluttu sjómennirnir sem höfðu dvalið þar á sumrin út og veiðarfærin inn. Fólk sat innan um net og flot og beitti línur fyrir næsta róður. Þaðan kemur nafnið Beituskúrinn, skúrinn þar sem beitt var. Næstu 80 árin drógu veggirnir í sig fiskilykt og á þá safnaðist hreistur, allt þar til Hildibrand ákvað að útbúa bar árið 2016.

Næsta árið þreif fjölskyldan, lagfærði og málaði, þar til hún opnaði dyrnar að gjörbreyttum Beituskúrnum sumarið 2017. Þar var nú bar og veitingastaður í stað veiðarfærageymslu. Í dag geturðu á sólríkum sumardegi sest út á pall í stað þess að beita línur, hlustað á öldurnar gjálfra undir þér og horft á hvali stökkva upp úr sjónum innan við 50 metra frá landi. Stingdu þér til sunds af bryggjunni og yljaðu þér svo yfir heitri máltíð með teppi um þig. Komdu á tónleika eða bara til að njóta rólegrar stundar og drykkjar með vinum.